Килигдач, к1аниди, зун ви вилериз,
Ана заз аквазва гила чаравал.
Килигдач, к1аниди, зун ви кифериз,
Къайи гар юзазва гила ч1арарал.
Ашкъиди хъухъурна вилерин нине,
Килигиз хъижезмач зи вилеривай.
Ашкъиди кьурурна зи руьгьдин бине,
Къакъатна физва ам и чилеривай.
Авахьрай цаварай сел хьиз ст1алар,
Чуьхуьрай тандилай вилерин гелер.
Алахьрай зи чандал ц1ийи хтарар,
Ви ашкъи галачир ашкъидин селлер.
Ашкъидин ялавди, ц1у ифирнавай
Чк1изва къайивал чими чилериз,
Ц1игел зун хьайит1ан, къайивал авай
Килигдач, к1аниди, зун ви вилериз.