Са чlавузни Дидед хатур хадач за,
Ялгъуз к1вале куьмексуз яз тадач за.
Вун я Диде зал зегьметар чlугурди,
Зи гуьгъуьниз пак дуаяр авурди.
Ви рикl т1ардай инсан заз-зи душман я,
Дидедал гъил хкаждайди шейт1ан я.
Малаик я Диде алай чилерал,
Нагъв такурай заз Дидейрин вилерал.
Вун я Диде,зун дуьньядиз гъайиди,
Кьепlин кlане насигьатар гайиди.
Дидед лагьай кар ийиз зун галатдач
Дидед къамат чи рикIерай акъатдач.
Вун я Диде, заз сифте яз акурди,
Темен гана зун къужахдиз къачурди.
Пайгъамбарар яшамиш хьай чилерал
Акъвазнай гьа Дидед вилик мет1ерал.
Женнет гала чи дидейрин кlвачерик,
Берекат ква чи дидейрин гъилерик,
Къуй дуьньядал чаз Дидеяр акваз хьуй,
Гьар экуьнахъ ашкъидивди рахаз хьуй.