Им вуч т1ул я ,вуч къилих я
Вуч хьанава чаз?
Чара ч1алал рахазва чун
Ч1ал аваз-аваз.
Эйваз Гуьлалийрин.
Къацу дагълар ,лезги чилер
Лезгистан я,лагь
Дидед ч1алал рахаз дахьун
Гунагь я гунагь.
Дуьньядавай гьар миллетди
Хуьзва вичин ч1ал!
Ша ,чнани дамах ийин ,
Чин лезги ч1алал.
Ч1ал къуват я,ивини я
Дамарра авай.
Кьиле акьул тур гафар я,
Дидеди лагьай.
Чин бубайри ,аманат яз
Чаз тунавай ч1ал.
Гадарна ам, масад кьурт1а
Айиб къвезва чал.