Туудугъума
Эрттенликде жашчыгъымы
Уяннган заманчыгъы,
Топал къолчукълары бла
Кёзлерин уугъанчыгъы.
Сора, мени кёргенлей,
Жарыкъ ышаргъанчыгъы,
Бойнумдан къаты къысып,
Ой, къучакълагъанчыгъы!
Сабий тылпыучукъ ура
Чачындан, бетчигинден,
Жаным къууанчдан тола
"Амма" дегенчигинден!
Дунияда андан уллу
Насып къайда адамгъа!
Къор болайым бучукъну
Бизге берген Аллахха!