Рик1е ашкъи.шаддиз йикъар акъуддай
Михьи рик1ер сад-масадав агуддай.
К1вализ хуьквер рехъ рик1елай алуддай
Жегьилвилин вахтар тир кьван муьгьуьббат.
Ашукь хьанвай адан гуьзелвилел чун.
Гьикьван хуш тир,йифериз чун-чав рахун.
Мурад тир чин ,уьмуьрлухда санал хьун.
Гьак1ан пич1и гафар тир кьван,муьгьуьббат.
Чна цайи ,тарарикай багъ хьанач
Зин уьмуьрдиз вун ,нур гудай рагъ хьанач.
Рик1е тур хер ,рекьидалди сагъ хьанач
Дарман дахьай,азар тир кьван муьгьуьббат.
Пич1и гафар гьатна рик1е хер ийиз
Пашманарнай,туначир чав хъвер ийиз.
Ак1 жедай хьин фида уьмуьр сер ийиз.
Чин яшарин гатфар тир кьван муьгьуьббат.