Къарагъдач зун къе ахварай,
Акваз кандач заз и дуьня.
Хаинвилив кьац1анва ам,
Акваз кандач заз и дуьня.
Зи вилериз рагъ такурай,
Заз канидан багъ такурай,
Зун пакамахъ сагъ тахьурай,
Акваз кандач заз и дуьня.
Канивили лап гудна зун,
Хаинвили агудна зун,
Канидакай къакъудна зун,
Акваз кандач заз и дуьня.
Вучиз фирай уьмуьр ишез,
Канивилин гъамар за нез,
Хаин ярдин яргъи жез мез,
Акваз кандач заз и дуьня.