Шумуд югъ я зун хьиз тек яз
Зи дак1ардал тек къизилгуьл.
Заз ам гана к1анзавай хьи
Шадар ийиз ярдин гуьгьуьл.
Амма рушан залум диде
Чи арада гьат хьана хьи.
К1ани рушахъ зи рафтарвал
Уьмуьрлухди кьат хьана хьи.
Гьар сеферда цуьк акурла,
Карагиз яр вилерикай,
Заз йифериз ахвар амач,
К1вал хьанава чуьллерикай.
За гьамиша хуьда к1валин
Зи дак1ардал тек къизилгуьл.
Зун цуькведиз килигиз жед
К1ани рушахъ хьайила вил.
Чин пад к1аник хьурай чилин
Гьич кьаз тахьай зи ярдин гъил.
К1ани рушаз гуда лугьуз
Гуз хьанач хьи тек къизилгуьл.