Амукьда зун са к1ус кьванни дуьняда,
К1вачин гелер нахиш хьурай виринриз.
Ватан лугьур к1ан галачир деряда
Сирнов ийиз, чандин ц1аяр серинриз.
Каспи гьуьлуьн лепеяр хьиз йиргазвай
Зи хиялар акъатрай генг цавариз.
Ашкъдин рекье пеш хьиз кьураз терг жезвай
Рик1ин гьарай фирай кьакьан къавариз.
Гатун юкъуз фул кутурай зи тандик,
Шагьдин живер, рик1ин дарман куьн ялда.
Ц1айлапандин ванер гала зи ванцик,
Амукьда зун са кус кьванни дуьняда.