Гад йисан лап хъсан вахт я
Лагьана Камал
Фена ярх жез ,мад чилел
Вегьенвай кавал.
Гатун йикъар атайла
Хвеши жеда заз
Экуьнахъ фад къвезмач диде
Ширин ахвар хаз.
Къарагъ бала, мектебдиз
Геж тахьурай кван!
Лугьуз,гьарайдай дидедин
Секин хьанва ван.
Гьалзамач месъелаярни
Ягъзава за ял.
Шад жезва зун акурла чин
Битмиш хьанвай сал.
Чранва чин п1ениярни
Пад яру ичер.
Амай вири вахтарилай
И вахт я иер.
Са сеферда фейила зун
Чуьхверрин тарцик
Чуьхвер хьтин са къацу къиб
Акатнай к1вачик.
Сад лагьана килигай заз
Ам чилеллай чуьхвер хьиз хьанай.
Ц1алц1амдиз к1вач ц1уьдгъуьнайла
Заз хъипре лап кич1ерар ганай.
Зун стхади тухуз жедай
Вац1ал ара физ.
Яваш-яваш гъил кьаз, чирна,
Зазни сирнавиз.
Макьамар ягъиз,чирна заз
Лекьерин кьуьлер.
Гьазур хьухь, августдиз жеда
Халудин мехъер.
Садра фенай Дербентдавай
Музейдизни зун.
Т1алабнай за чин дахдивай
Мад аниз тухун.
Къадим хандин гьамамарни
Зиндандин рак1ар.
Акунай заз гьик1 хуьзвайт1а,
Эцигна дап1ар.
Ара физ сефилни жезва
Такурла дустар.
Ингье кьве варз хьанва такваз
Муаллим СУВАР.
Гад к1анда заз ,шад йикъар я
Рагъни я чими.
Зул атунал вил ала зин
Мад мектебда жедайвал вири.
За акъайда муаллимриз
Авур кьван крар.
Ша, сентябрь зун гьазур я
Мад чириз тарсар.