Килига заз ,виниз хкаж на вилер.
Гьуьл хьиз ац1анвай сирер заз акурай.
Рахамир вун .гаф герек туш и сефер
Вили -вилер гьиссералди рахурай.
Ажеб хъсан рахадачни вин вилер
Гьелелигда ак1 рахаз чир хьанвач ваз.
Алакьзавай дугуриз зал ,ц1ун хьелер
Галукьайла ,эхдай къуват ганвач заз.
Т1имилни туш кьадар рик1ин гьиссерин
Ялгъуз авур муьгьуьббатдин рекье на.
Чуьнуьх жезвач .гуьзгуьйривай вилерин
Хвейит1ани алмазар хьиз рик1е на.