Зин хтул са гъвеч1и гада
Велосипед гьалда ада.
Гьар нисинлай далдам гатаз
Маса к1валах к1андач адаз.
Киц1из ша лугьуз к1вализ гъиз
Верчерихъни калтугда физ.
Крандал физ ,к1уф эцигиз
Къайи ятар хъвада вичиз.
Кьежейла алай парталар
Ийида ,шедай амалар.
Хкайла к1вализ,кьуна гъил
Тадиз столдал жеда вил.
Диде твамир зун гишила
Ширинлухар це заз гила.
Баде инихъ элкъведалди
Ширинлухрихъ къекъведалди.
Компютордал фена хтул
Алудна винел алай кьул.
Са сеферда бесрай акун
Жагъурда са шумуд къугъун.
Кнопкайрал эцигиз т1уб
Чизва гьим ят1ани Ю,Т,У,Б,
Къарагърайт1а комютердхъай
Хтулдай акъатда гьарай.
Мад са къугъун хъийин ман за
Им хуьшрекан-итим я са.
Ам тефизвай къавар авач
Жен тийизвай крар авач.
Чин дахдини хуькведа гваз
Гьадан хьтин костюмар заз.
Девирдин хва ,гъвеч1и аял
Игрушкайрай ац1анвай к1вал.
Лап шад я ,адал бадени
Идлай хъсан вахт жедани.
Кнопкайрал илисиз т1уб
Чизвай гьинават1а Ю.Т.У.Б.