Лемдьса И. Водяковонди
Панчса вальмязень венькарша келес,
Шобдась салава пялон сувай.
Аньцек онозе мес-бди пели,
Кать-куване сон юрги-лтай.
Изень лажада онозти монцьке,
Менельс ванондозь ётафтса веть.
Сизеф ронгсон аш эрьгя, аш моце,
Палыхть-типольдихть моркш лангсон свецьт.
Тошнань очкозон шапакс срхкафтан,
Сал вастс каян сиянь сельмоведь.
Пидеф кшистон фкя паморькс аф явфтан,
Штоба киндиге тошнась тяль педь.
Стамка тячизе, кода и меля
Эряфть мархта кирдян кеме соткс.
Аф крхка ведти ваямать пелян,
Пелян прамазень пацькафты лоткс.
Паксять сокамац, содаса, стака,
Видемац стака кафтонь-крда.
Якай ашушись мельган, а сяка
Кистон-янцтон аф шарфтан-мрдан.
Кандан крёзозень, тейне бславафть,
Лафту лангсон катк шовави киськсь,
Ломань мялямс сувай колган слава -
Иднень идьснонды аф ули визькс.
Лядыкс тяштенясь менельса коцай,
Сон прважасы мельдень кис веть.
Од шить каршес цёфкссь моронзон лочай,
Шава моркш лангсон палф свецень пет.