Эхиримжи вахтара Чин лезгийри чеб шегьерра яшамиш жезват1ани чипин гадайриз хуьрерин рушар гахчун хъсан кар я лугьуз адетар акъуднавай. Гьа вирибуру хьиз и хзандини чипиз са вик1егь хуьруьн са руш , чипихъ авай са гададиз гахчуна.
Суса сад лагьай къалай ц1ийи к1вале михьивилер ийиз гьар са зат1 вичин къайдадик кутаз башламишна. Диде-бубани са акьван жегьилзамачир гададин гьак1 хьайила фадлай кьулухъ к1вале капитальный ремонтарни авунвачир.
Са юкъуз суса вичин къаридиз я мама заз са гъвеч1и шетка к1анзава ат1а дак1арриз шир ягъдайвал лагьана. шетка авач чан свас жаваб гана къариди.
Ак1 ят1а квез са куьгьне хъурхъ кьванни авачни за ат1а ч1улав хьанвай цал кьванни асундай мад хабар кьуна ц1ийи суса.
Ваъ я бала хъуркъар амай девир яни има ина хъуркъвар авайди туш лагьана мад къариди.
Хуьрера кеспидик кваз вердиш хьанвай жегьил сусаз сак1ани кьарай къвезвачир. Адаз креслода ацукьна ктаб к1елзавай вичин апай акуна. Кьуьзуь касди кагьулвиляй ят1ани чидачир я дахьайт1а вичиз гьак1 к1анзавайт1ани чидачир чуруярни .спеларни яргъи авунвай эхиримжи вахтана. Сусани фена апаян са спелдин хел ат1ана.а ч1арарикай щетка туьк1уьрна, дак1ардиз шир ягъиз башламишна.
Ахпа фена чуру ат1ана,чурудалди ч1улав хьанвай цални асунна.
Югъ няни хьана к1валахдилай хтанвай Гададиз вичин буба к1валин вилик квай тарце
спелдин са хелни амачиз ва чурудин са пайни амачиз ацукьнавайди акуна.
Я дах им вуч кар я, вун ина вучиз ацукьнава хабар кьуна гадади бубадивай.
Вин ц1ийи суса авунвай к1валахар я к1валера михьивилер твазвайди я лугьуз.
Бес вун ина тарце вучиз ацукьнава мад жузуна гадади.
Я хва а к1вале авай кьве кимидани чна нянихъ недай вуч ийида .какаяр кьвани авани к1вале лугьудай эхтилатрин ван хьайила катайди я зун, абурал мад эхтибар алач абурай вуч хьайит1ани акъатда.