Зи кIелдайди, ви гъил кьуна
Хайи чилел экъвена зун.
Т1ебиатдин кIани хурал
Иервилик къекъвена зун.
Алуд тийиз акуна вил,
Далда кьуна ракъинкай гъил.
Са геренда туна сефил
И накьвади кьечIена зун.
РикI са пата, руьгь са пата,
Алахъна мез тийиз хата.
Ватан лугьур и кьибледа
Ара-ара ишена зун.
Вил вегьена фейи рекьиз,
Бисмиллагьна шиир кхьиз.
Лугьуз тахьуй и дуьнядиз
ГьакI атана хъфена зун.