Шумуд инсанди тунвай вичин гел
Са яц1у к1арас алама кимел
Ам шагьидни я хкетрин шумуд
Кьуьзуьбурун ким ,рик1ерин умуд.
Хуьруьн ким я къе са ч1ехи майдан
Фейила анал рик1 алахьда кьван.
Алахьай юкъуз.рекъини гуз чим
К1ват1 хьана вири, хуш рахада ким.
Сад рахана инсанрикай, ч1уру рехъ
Кьуна физвай Сириядиз пулар гъиз.
Я жегьилар, им гьи дин хьуй авай квехъ,
Са бязи бубаяр шезва ,папар хьиз.
Физвалда ,хзанарни гваз экъеч1из
Вуч фикирдалд.квехъ ягъазва итимар.
Паб лук1виле,чеб дяведик экеч1из
Веледрикай ийизвалда етимар.
Са кьуьзуьдани кефи хушдиз къе
Са гъвеч1и кьвети кьунавай гъиле
Лугьузвай ,секин хьанва къе зи т1ал
Хци дарманар агакьарна зал.
Сада тадиз сив акъайна атайла
Кьуьзуь жечни ,бес уьмуьдри гатайла
Кич1евиляй,чандик зурзун акатиз
Гьайиф! лугьуз физвай уьмуьр акъатиз.
Фена гьарнихъ ч1ехи авур аялар
Патав гума зин паб ва зин хиялар.
Са арайра рик1 дустарихъ къекъведа
Ким акурла шад жез зунни хъуьреда.
Сад квай лап вичин гъамуник
Як кумач лугьуз хамуник.
Рик1ел хикиз жегьил вахтар
Ракъур тавур бушдиз йикъар.
Къиб ягънавай зулун гару
Сада,гъутув ягъна хуру.
Мад зат1 амач гудай тади
Зун азад я амач дерди.
Сефил жедач гьич ацахьайт1ан цал
Цавун к1еник ква ,куьгьне хьанвай к1вал.
Девирдин алат ,ша тамаша кван
Лугьуз къалурна вичин телефоон.
Им заз гайди зин намуслу велед я
Адаз тегьне ягъун зид лап къелет я.
Амма .хцин зенгер къвезмач дугурай
Ма ,килиг дуст. и кар вазни акурай.
Ц1и гатуз хтана ,хъфейди тир ам.
Кеспини хъсан туьк1вейди тир ам.
Меркезда вичин ийизвай дерди
Акьуллу хва я .къилихрин къени.
Касди ,,Айфондин,, чирвилер авай
Телефондал гъил яргъи авунай
Килигна аниз ,икрамна кьили
Ваз садрани зенг авунвач хци!
На вуч лугьузва .жедай кар туш ам
Лугьуз чухвана ада вичин кьам.
Авач гьеле ваз чирвилер адан
Ша жегьилривай за хабар кьадан?
Гьа и арада тади ийиз кам
Физвай жегьилдин ,патав фена ам
Килиг хтул лагь? Им вуч хабар я
Вилер амат1ан буьркьуь вахтар я.
Хци кхьенвай аквазвач гафар
Бубадиз гуз к1анз вичикай хабар
Хуьквез дахьунин авай себебар
Кхьенва .белки чипин метлебар.
Килигна жегьил кьуна телефоон
Зин ванни къвезва,зазни къвезва ван.
Амма ягънавач вин хци зенгер
Аквада инай кхьейт1а эгер.
Агъуз хьана кьил,хайи лап гуьгьуьл
Кьве гъили к1евна кьуьзекан кьве вил.
Накъвар ,ст1ал жез аватна чилел
Хъфена к1вализ хер хьана рик1ел.
Куьн вафалу хьухь бубайриз рухваяр!
Ара физ зенг ая! Гьик1 я? Яхъ хабар.
Кьуьзуь хьайла .зурзун твамир бейнида.
Язух Кьуьзек! талгьудайвал гъейрида.