Зун лезги я - масад туш.
Жуван халкьдин адетар
Хуьз алахъа, я чан руш,
Герек туш ваз, "дамахар".
Зун лезги я - айиб туш.
Ч1уру амал вилериз
Я гъилериз , герек туш,
Я рахадай сивериз.
Зун лезги я - масан къуш.
Зун лув гуз цавай фида.
Чилелай фин герек туш,
Анай фидай кас жеда.
Зун лезги я - гуьрчек руш.
Цавай физ лацу лиф яз.
Рик1из жеда вирдан хуш,
Экъвез хьайт1а яр галаз.
Зун лезги я. Лезги руш.
Лезги чилин, ва ч1алан.
Иви михьи къизил къуш,
К1ан хьухь ваз, жуван Ватан.