Куьрсар хьайи вун акур,
Буьркьуь хьурай вилер зи.
Кьисмет хьурай чаз са сур,
Гъил гъилеваз гъилер чи.
Агь, ялгъуз я гила зун,
Вун амачиз чилерал.
Са мяфеда аваз чун,
Сурал тухуй гъилерал.
Чи кьвед сурал атурай,
Кьисмет тахьай жегьилар.
Чи сур касриз п1ир хьурай,
Дерт ийидай кьезилар.
Чал пехилбур шад хьана
Чун къакъатна акурла.
Чи муьгьуьббат пад хьана,
Фитнедин хьел акьурла.
Вучиз на кlирна гардан?
Фитнедин, табдин вилик.
Вахт тахьанмаз чан жуван
Кутаз туна къай(и) чилик.
Шараг квахьай къушраз зун
Хьана ухшар къекъвезва.
Сефил хьанвай акваз зун
Зал душманар хъуьрезва.
Чи душманриз шад жедай,
Де куьз ихьтин на карна?
Зал херна сагъ тежедай,
Зи рик1из вучиз тlарна?
Агь, къе вири паркара
Ярдин гъил гваз къекъвезва.
Зун лагьайтlа- сурара,
Ви сурал къвез ишезва.
Амукьайди хьана заз,
Шикилрай килигун ваз.