Тята визде, мазы панчфкяй,
Марса ётафтсаськ тя веть.
Стирень сединяцень панчка, –
Танцти арьсемазень петьк.
Вельхтяйть вальмятнень руцяса.
Няйсак, ковське сельмот конць.
Мес ни ваймозень муцясак?
Аде мархтон танцти онц.
Тята шарфне эздон фталу,
Сельмованфкяцень учан.
Тёждя паляняцень алу
Кяшеть питни талисман.
Тарксят ваймоцень кърхкаста.
Ронгце келунякс търнай.
Аф муй сединяце васта, –
Васедсь эсот адсь и райсь…
Вага акша гулят вирень
Акша мяштенязот валгсть,
Серцек ажанятне кирендсть,
Мярьгат, кельмот эзда калгсть.
Андан эсост курмоськастон,
Копорь лангснон сюдерян…
Но лийкстайхть синь эсток тяста,
Кодак онцтон съргозян.