И хуьруьн иервал вуч я
Вац1ун хураллай
Дурум гуз дахьана катна
Цифер цаваллай.
Юсиф
Илифа чин иер хуьруьз
Сенгерд пелен кук1валлай
Эгеч1а вун шиир кхьиз
Циферикай цаваллай.
Гюльжагьан
Авадан хьуй куьн хуьр мадни
Иер хуьр я чаз такур.
Экъеч1мир хуьряй гьич садни
Куьн хуьрел ала абур.
Теклифайт1а чунни къведа
Хкаж жеда ,,Сенгерд пелел,,
Чир жеда чаз ,,Цурун пелни,,
КУьн хуьр чна хуьда рик1ел.
Юсиф
Чун атана а жигъиррай
Къенин къалди гелер тваз-тваз
Куьнни ша гьак1 чан жегьилар
Ч1ехибурун геле аваз.
Камна а дагъдин хуьрелай
Гагь вац1алай ,гагь кьерелай.
Атана чун гьа рекьерай
Кьил къванера акьаз-акьаз.
Куьнни ша шиирин кимел
К1ант1а рагъ хьуй ,к1ант1а ч1имел
Вуч атайт1ан жуван мецел
СА кьве ч1ал лагь кумаз-умаз.
За ламариз лагьайди я чаш
Лагьайди туш,калик нек квач
К1ан хьайила зин рик1из т1ач
Гваз ша вуна чукваз-чуква.
Гуьлжагьан
Ламар амач гьайиф-гьайиф
Мад т1вар кьамир ,стза Юсиф
Гьалзава талгьуз я югъ-йиф
Машинар я ,физвай яргъаз.
Ламаринди тир чин девир
Гзаф парар ялай фагъир
Лашарни вегьедай эхир
Вахтар фена акваз-такваз.
Гила килиг ,сад ваъ гьа Кьве
Машин хьанва гьар са к1вале
Я лам ,балк1ан амач рекье
Мублагь хьана рахаз-рахаз.
Юсиф
Са гаф лугьун Гуьлжагьаназ
Куьн шиирар лап хуш я чаз
Тикрар хьанва акваз-такваз
Жедачирни такваз-такваз.
Гуьлжагьана кусудалди
Экуьнин сятд ругудалди
Чна са бенд лугьудалди
Пуд лагьана галаз-галаз.
Гюлджаган
лезги чил я квай берекат
Живедин цик ква гьерекат
Са пай чилик винел са къат
Акъудда цуьк акваз-такваз.
Фад атурай чими гатфар
Вегь рагъ вуна чилел нурар
Самур вац1ун гужлу ятар
Гьуьлуьхъди,кьер гатаз-гатаз.
Къвез алатда хъуьт1ер ,гатар
Живед цикай жеда вац1ар.
Чин булахрай къайи ятар
Мад авахьда ргаз-ргаз.
Юсиф
Яргъи йифер куьруь жезва
Чин демекар кьери жезва
Чук1уларни къуьруь жезва
Верчер са-сад тук1ваз тук1ваз.
Гюлжагьан
Верчер тук1ваз хинк1ар ийиз
Гьар нянихъ къуншид к1вализ физ.
жувахъ алаз са кьат1ни гъиз
Фена кьуьдни рахаз-рахаз
Юсиф
Хинк1ар т1уьн я ,рик1из к1ени
Акьалдайд хьайит1а тини
Япарани лезги мани
Гъили далдам гатаз-гатаз.
Гюлжагьан
Агь,ни акьалзама тини
Магазинриз физва вири.
ОТ ,,ХАНА,, хинк1аррин ери
Хьана ,незва чраз-ргаз.