ГЪЕЗЕЛ
Гуьгьул,вучиз пашман я къе, зулун рагъул цифер хьиз,
Сас-сараваз зурзазва вун хъуьт1уьн мекьи йифер хъиз?
Гагь шад я вун, гагьни накъвар сел хьиз гьазур авахьиз,
Аквазвани ваз и уьмуьр гьак1ан ич1и сефер хьиз?
Ак1 жемир ваз агъзур сарлай хуькведа вун рик1ерал,
Пачагь хьайи мисирви руш иер Тити Нефер хьиз…
Кьве чин алай и дуьнядал ама мягьтел, Сейли, вун,
Кьулан вац1у кьве пайнавай чи Кьиблени Кефер хьиз…
05.07.2014