иер я зул

ИЕР Я  ЗУЛ
Иер я вун ахваравай гуьзел хьиз…
Гатфарихъди аватда вун ахварай.
Хару темен галукьдамаз са гел хьиз,
Са кьуватдин-Яр лугьудай т1вар алай…

Ксуда вун мес акайна пешеркай,
ЧIугна яргъан жувал лацу живедин.
Ракъинин кIвач атIуда ви рекъеркай,
Лайлайарда ваз тIилийри цифедин.

Къвекъвез жеда цава залан циферни,
ЦIайлапанар, марфарин сел, юргъ галай.
Бахшда на чаз сир квай яргъи йиферни,
Вилик куьруь, са кIар хьтин югъ галай.

Ишеда вун рикIел хкиз бахтлу къар,
Гагьни милиз хъвер къугъвада ви чинал.
Гъетерини килигда ваз гуз цIарцIар,
АлтIуш хьана Вацран мили экуьнал.

ТIебиатдин ял ягъазвай иер чIав…
Иер я вун хъпи пешер авадриз.
На илгьамдин пак цIверекIар гуда чав,
Чун-туькIуьриз шиирар рикI аладриз…
                17.10.2015