Я люблю нашу Радзіму,
Наш народ, нашу зямлю
І сям’ю маю любіму,
Бога я за іх малю.
Хай Радзіма расквітнее,
А зямля хай расцвіце,
Хай народ паразумнее,
А сям’я мая расце.
Мова продкаў хай вярнецца,
Прапітае нас ізноў,
У нашых сэрцах адгукнецца,
Разагрэе сэрцы, кроў.
Каб успомніў Белы Русіч
Славу продкаў і зямлі.
Голас продкаў нас усіх мусіць,
Каб мы Род наш збераглі.
Каб квітнеў і быў свабодны
Беларускі наш народ,
Каб заўсёды ўсенародна
Ён дабро нёс упярод.
Каб гучала ў наваколлі
Мова продкаў як раней,
Каб ня ведала няволі
Ў палане чужых ідэй.
Веру любай я Айчыне,
Веру матчынай зямлі.
Зробім так у сваёй краіне,
Каб мы шчасліва жылі.
Каб навокал ўсё жывое
З намі ў радасці жыло,
І каб сонца над зямлёю
Грэла нас і берагло.
27.01.06 г.