(Як боль і памяць аб Чарнобыльскай бядзе)
тэкст песні
Вербачка над рэчанькай плача пад дажджом,
Засланіла непагадзь белы свет плашчом...
Слёзы льюцца горкія, капаюць у плынь -
Сум павіс над Прыпяццю і ракой Гарынь.
Сонейка жалобнае свеціць тут даўно,
Спяць крыжы Чарнобыля красавіцкім сном,
Зорачкі-ліхтарыкі з болем у вачах -
Твары ў небе, тварыкі - незгасальны жах…
Дзе ж ты вецер-вольніца? Прылятай хутчэй!
Высушы слязіначкі з прыпяцкіх вачэй,
Запалі надзеі свет, хмары прагані,
Каб не ведаў край мой бед, зелянеў у руні...
Песеньку жалобную людзям праспявай,
Каб Чарнобыль помнілі - красавік той, май,
Каб не замуроўвалі глебу ў бетон
Дзе яе, знямоглае, раздаецца стогн…
Дзе сабакі дзікія выюць, як ваўкі,
Могілкі замшэлыя ва ўсе бакі...
Дай нам, Божа, розуму не хаваць сябе,
Быць заўжды цвярозымі ў жыцця сяўбе…
Мінск. 04.06.2015г.
Фото интернет.