Зи муг,зи кьеб Хуьрелрикай,
Жуваз таниш гуьзелрикай,
Авадан пак чуьллерикай,
Даим чlалар кхьизва за.
Стхайрикай,вахарикай,
Акур ширин ахварикай,
Заз ван жезвай хабаррикай
Даим чlалар кхьизва за.
Играми тир Дидедикай,
Заз гайи пак нек1едикай,
Ада чlугур «шеледикай»
Даим чlалар кхьизва за.
Ярдин къешенг бедендикай,
Саздикайни кемендикай,
Ашукьрикай,шаиррикай,
Даим чlалар кхьизва за.