Рик1елай гьич ички тефиз,
Варар к1ане ксуз йифиз.
Чарад гъенел гьар юкъуз физ,
Лагь,гьикьван на хъвада алкаш?
Ч1ур хьанва ви чинин сифет,
Гьич чир техжез к1вални,килфет,
Закуска яз кьаз къенфет,
Лагь,гьикьван на хъвада алкаш?
Им гьи гьал я алайди вал?
Килиг гьа,вун рекьид мукьвал!
Къуьнни-къунши хъуьруьриз чал,
Лагь,гьикьван на хъвада алкаш?
Гьикьван хьурай румка гъиле?
Ч1ур хьанва ви михьиз келе.
Даим къекъвез ичкид геле,
Лагь,гьикьван на хъвада алкаш?
Эрекь хъваз на папан хъиляй,
Аватна вун элдин виляй.
Гадар тийиз "зегьер" гъиляй
Лагь,гьикьван на хъвада алкаш?