Хупl четин тир легьзе тушни ялгъузвал
Ялгъузвилихъ атир гала ажалдин.
Эхиз тежер зиллет тушни бахтсузвал,
Сагьиб тахьуй бедбахтсузвал хиялдин
Зун хъфизва вуна гузвач разивал,
Агь,зили хьиз галкlанва вун хурудик.
Чими гъилер алтадиз зи далудал
Кьежей пlузар хуькуьрзава чурудик
Зун хъфизва ахъайзавач гъил вуна
Сад АЛЛАГЬдиз ялварзава ишехьиз
Бирдан,гъилер кьуна михьиз чlугуна
Минетзава вилерлай нагъв авахьиз
На лугьузва:"Хъфимир вун акъваза
Уьмуьр гьалин сад садаз хъвер багъишиз
Анжах са ваз муьтlуьгъ я зи тан таза
Зи яр,ийиз тамир,зав жув бамишиз"
Зи муьгьуьббат са вахъ галаз дерин я,
Тамир на зун зи ватанда ялгъуздиз.
Вун галачир гьар са югъ заз серин я
Таз кlан жемир перт гуьгьуьл гваз бахтсуздиз.
Рахаз техжез туьд ифена- зайифдиз
Алгъур хьанва зи хурал вун суст хьана.
Агь,элкъуьрна шадвал ясдиз,гьайифдиз
Алкlанва зал гъамарикай дуст кьуна.
Шаир я зун. Захъ эл, ватан,чlал ава
Лезет патал завай абур квадар жеч
Зи илгьамдив къизгъин тир къал гва
Гъурбатда хьиз ватанда зи рикl дар жеч