Шадвал завай къакъатзава,
Вилерал мичl акьалтзава,
Рикl хурудай акъатзава
Эхиз жезвач ви тlал завай!
Гьиссзавач на зи рикlин тlал,
Югъ-къандавай зайиф я гьал.
Гуьлуьшан тир и дуьньядал
Эхиз жезвач ви тlал завай!
Гвайди хьиз вун зи патав,
Ахварайни рахазва вав.
Дердер-гъамар агатна зав
Эхиз жезвач ви тlал завай!
Вакай шиир кхьейтlани,
Шад гуьгьуьлди зун кьуртlани,
Шикилдай вун акуртlани
Эхиз жезвач ви тlал завай!
Жегьнем хьанва чуьллерикай,
Атир къвезмач цуькверикай,
Карагзва вун вилерикай,
Эхиз жезвач ви тlал завай !