Агь,дуьнья я,кьве чин алай инсанар,
нихъ йигъада,низ стха лугьун,чир жедач,
стха лугьурда гьазурда ваз кафанар,
гьа иблисдиз ахъай тавур сир жедач.
Гъакъикъатда,дуьнья я хьи,кьабула,
сад АЛЛАГЬДИ дагурзавай кьадарар,
са бязибрун иблисвилер акурла-
Я сад АЛЛАГЬ,ягъ сивериз дап1арар.
Ида адаз фитне айиз къекъвезва,
садаз артух к1вал хьайила-хъиткьинда,
душмандигни рахаз шаддиз,хъуьрезва,
алатайла-адан гвяниз экъуьнда.
Эй,инсанар,ша бес хьурай,гунагь я,
дуьньядавай хъсанвилер кьуразва,
пул гувайди къенин йикъан пачагь я,
пакагьан югъ сад АЛЛАГЬДИЗ аквазва