Мубарак хьуй квез Яран сувар,
Мубарак хьуй квез Яран йифер,
Гьар са лезгидик акатрай лувар,
Чун лезги халкь я лацу лифер.
Ша кутван лезгияр, Яран ц1аяр,
Ша, лезгияр к1вализ мугьмандиз,
Чи гьар са лезгидив жагъурай яр,
Тахьурай са лезгини пашмандиз.
Мубарак хьуй квез чими йикъар,
Квез мани лугьуз хьурай нуьк1ер,
Гьич такурай лезгийриз накъвар,
Т1ар тахьурай лезгийрин рик1ер.
Ша, к1ват1ин чна Яран сувариз,
Мукьва-кьилиярни, к1еви дустар,
Ша элкъвен Аллагьдихъ цавариз,
Т1алабиз рик1евай вири къастар.