Жангыз жаным, угъай дейме, угъай,
Къалмабыз биз къырау къакъгъан кюзде.
Туруп турмаз хар зат болгъанынлай,
Бизни да къучакълар насып, кюле.
Бизни да тансыкълар жашау.Марап,
Къууанч кюнюн саугъа этип берир.
Эрттен аяз терезеден къарап,
Тауда кюнден салам алып келир.
Салкъын кече жюзер алгъынча ай
Ким не тапханды дуньяда жарсып?
Жангыз жаным, угъай дейме, угъай.
Бизге да барды бу жерде насып.