К1уьд вацра зун хвена къене
Пуд йисуз на кьуна гъиле,
Уьмуьр амай кьван хуьзва рик1е
Бес вучиз зи ван, къвезвач Диде?
Лай лай ийиз хвена вуна
Кьеп1инивай тежез яргъа,
Лугьуз хьана чан зи бала
Диде мир, зун вакай яргъа.
Чубарук хьиз рахадай вун
Гудай на заз гъилелай т1уьн,
Чан рик1 ийиз ганай темен
Рик1е ама гилани елкен.
Вилерикай къарагъзавай
Ахварайни аватзавай,
Чан рик1 ийиз вав рахазвай
Бес вучиз зи ван, къвезвач Диде?
Хьана ч1ехи вун галачиз
Шиир кхьидай такь амачиз,
Уьмуьр физва акваз такваз
Зи вилерал накъвар алаз.
К1андай заз вун акваз, Диде
Кьуна темен гуз ваз, Диде,
Куьз туна зун ик1, чан Диде
Бес вучиз зи ван къвезвач, Диде?