Жезва хьи зун лап зайиф
Яшар физва зи гьайиф,
Рик1и кьур руш гун тавур
Аман, т1ар хьана хьи хур.
Пашман жеда зун хала
Гаф тагана зун туна,
Жегьил уьмуьр пуч мир на
Минет я ваз чан хала.
Вучда за уьмуьрдикай
Рик1из к1анид тагайла,
Агь, хкатайла рик1икай
Бахтсуз жечни кайила.
Цуькведикай за вучда?
К1анид къвалав тахьайла.
Дарман хъвана за вучда?
Зи рик1 канваз хьайила.
Я хала, я чан хала
Ви руш хьанва бегенмиш,
Разивал це чан хала
Ийимир зун ик1 бамиш.