Булах хьиз авахьиз алатна чIавар,
Ингье, дегиш хьанва чилерни цавар-
Кьуьд пата иервал, суьгьуьрдин навар,
Алукьна цийи йис, сувар я ,сувар!
Дустар,цIийи йиса квез сагъвал гурай,
Берекат, мел-мехъер, шадвилер гъурай!
Кефияр хъсан хьуй гьар са хизандин,
КIвалахар асант хьуй гьар са хизандин!
Живедин руш галаз атуй Къай буба,
Ёлкадал акъатрай Куьрени Къуба,
Савкьатар пайин ша, чна аялриз,
Кьуьлериз агата, гьахьмир хиялриз.
КIани тир инсанар куь патав хьурай,
КIвалериз кIанибур - мугьман атурай.
Кутуграй ЦIийи йис, квез, азиз дустар,
Кьисметди кхьирай тек агалкьунар!
Гьар садан мурадар акъатрай кьилиз,
Ракъин нур чукIурай хайи чилериз!
Ислягьвал, мублагьвал хьурай Ватанда,
Хуш ванер атурай Лекьермакандай!