Жыта
Калі бедны духоўны спажытак –
Лепш Душу завядзіце… у жыта!
Там калоссе ёй нашапоча,
Чаго варта яна, чаго хоча…
Хоча ласкі Душа ды кахання –
Перад ёй жыта ложаю стане,
Хоча чуласці ды спагады –
Жыта боханам цёплым быць рада!
Хоча славы Душа, пашаны –
Жыта краем заможным стане!
Спавядлівасці, праўды захоча –
Жыта мужнасці ёй напрарочыць.
А, крый божа, захоча нягодаў,
Слёз, крыві – жыта стане няўродам!