Г1ИЛЛАКХАН АМАТАШ
Г1иллакх лиела мел ди ц1инло,--
Оцо хьуна ц1ена дин ло.
Г1иллакх дериг воьвза атта:
Цо буьйцучу оьзда маттах.
Воьдуш-вог1уш дуьхьалкхетча,
И луьйш-олуш хьоьца сецча.
Б1аьрг т1ебоьг1на ца хьажарехь,
Дешан бакъо ца къийсарехь.
Аьрна бага ца г1етторехь,
Хууш мел дерг ца 1етторехь.
Орца аьлча д1ахьадарехь,
Каде хьовза кархдаларехь.
Лула-кулахь самуо йарехь,
"еТуркхан даржах" цакъехкарехь.
Чоелхе г1уллакх къастадечохь
Цо шен белшаш к1елтасарехь.
Цуьнга кхайкха б1обуоларехь,
Эшча вазлой ца хьийзарехь.
Даржашка и ца кхийдарехь,
Теттарх коьрте ца вийларехь.
Дикане ша виехийтарехь,
Вонехь ша ца лиехийтарехь.
Шуьнехь, тойнехь йе тезетахь, Дозанашкахь 1ан хаарехь.
...Оьзда къонах воьвзар ву-кха,
Гуонах сема хьиежахь дукха...
Ишттаниш вайн бацахьара
Дуьне лаьттар дацара, хьаха!