Ма ала со кура я,аз эйбича корта!
Мят-лоаман бухьенга хьажаяр со.
Цундяла безам ба лакхенга г1орта,
Лакхерчу дахарен сий халар го...
Ма ала миска я ,чубахча корта!
Вай к1оаргачу Асса чу хьажаяр со.
Дахар да иштта вай бух боацаш к1оарга.
К1оаргано хьаькъалга саг кхоачаво...
Сабаре халарах со цец ма довла!
Хьажал ,мел сабаре латта Мят-лоам.
Хийла мух а, дарз а цун т1ехьадувла.
Лоамашкар 1аьмай со халонаш ла...
Нагахь са оамалаш сих я оаж оалий-
Лоамашкар хьаста чур мийнад аз хи,
Цундяла худдакх со сих ялла 1амар-
Сатох йиш йоацача я оамал сих...
Со яй вай хозач мехка эздийча нанас.
Сай къаман сий лорде со 1омаяй.
Вай лоамий оамалах я оамал тара,
Лоамашкар безамо со г1оаттаяй!