"Са девирда им Гъуцарин Чил хьанай..."
Къени ама бязи крар сир хьана,
К1анзават1а квез зи фикир чир хьана:
Заз герек туш маса чил, я девлетни.
Гьар девирра гьардахъ вичин дин хьана,
Муьгьуьббатдин диндихъ тек са чин хьана,
Адан рекье за эбеди кьин гана:
Заз герек туш маса чил, я девлетни.
Зун ашкъидин гафарал бенд билбил я.
Чун алай Чил халис женнет-са гуьл я.
И кар кьат1ун патал герек(ди) кьве вил я,
Чун хуьзма тек муьгьуьббатдин нуьсретди.
Вад юк1 агъ я эхиратдин девлет-мал...
Куьз инсанар, гъизва чна чун и (йи)къал?
Муьгьуьббатдиз бахшнавай за мани, ч1ал
Зи халкь патал жеда зи ирс, гуьмбетни.