И дуьньядал валай багьа
Жедайди туш заз к!аниди.
Гъвеч!и ч!авуз хвена бала
Азиятрив, на багъриди.
Ви лайлаяр ширин мецин
Ама, диде, зи япара.
Ви гафар за къене рик!ин
Хуьда, диде, виш йисара.
Такурай заз пашмандиз вун,
Нагъв тахьурай ви вилерал.
Азиз диде, гъафилмир зун,
Валай багьад жеч чилерал.
Шиир кхьиз вакай, диде,
Чухсагъул за лугьузва ваз.
Гьамиша вун аваз рик!е,
Жуван уьмуьр тухузва за.