Аламатдин вахтар я,
Лагь, низ акур крар я,
«Одноклассники» - и сайт
Чидайбур бахтавар я.
К1ант1а югъ хьуй, к1ант1а йиф,
Къведач вахт садаз гьайиф,
Гьам к1вале, гьам к1валахал
Интернетда ава халкь .
К1ват1ал ава лезгийрин,
Тум- кьил авач дердийрин,
Гьардан чир ийиз фагьум
Ачух я ина форум:
-Кьулан вац1ун шегьре муьгъ
Жедат1а яраб муьт1уьгъ?
Алахънава хуьз чи ч1ал
Квахьда лугьуз гъизвай т1ал.
Къанажагъдихъ жез таниш
Дустар кьаз француз, латыш
Мугьманарал ала рик1
Ша,буюр,жемир гъарик1.
Зунни къвазнач гуьгъуьна,
Тунва шикил са чина:
Сайтда шиир эцигда,
Къимет гудат1 килигда. 24.02.13 йис