хуьквезмач зун

ХУЬКВЕЗМАЧ ЗУН...
"Хуьквезмач зун..."
Им ви эхир гаф...
Садлагьана зи мурадар
           налагь жезва дав...
И дуьняда гафар ава,
              агь, эхиз тежер!
Вучиз тарал къваз тавуна
                рахазма пешер?
Вучиз цавай чилел
               аватзавач цав?
Им дуьнядин гьи чка я,
           гьи девир, гьи чIав?
Налагь дуьня хуьзвай
                тарчар чкIизва,
Къизилгуьлдин алчIух
хьанвай кIунчIар чкIизва...
"Хуквезмач зун..."
Им ви эхир гаф...
Цавун чIулав, мичIи хурал
                кузма гъетерни.
Рахазма пешер.
Авахьзама яд
гуьнедай агъуз
                шуршур къачуна.
И дуьнядин вири рангар
зи виликай хчуна
хъфенва вун.
Туна тек кьве гаф...