Низ чидай яр, вун хабарсуз
Фад икl захъай къакъатдатlа.
Ви ширин сес зи япарай
Шак алачиз акъатдатlа.
Багъдавай цуьк бегьем тахьан,
Вегьен пешер фад кьурана.
Чан лугьуз на ахъарай хьел,
Атан хура зи акlана.
Хъуьтlуьн юкъуз чими рагъ хьиз,
Къалурна на ви кlанивал.
Гьич рикlелай физвач гила,
Акурла зун на кайивал.
Гаф ганай за, вун тахьайтlа,
Кьисмет текдиз амукьда зи.
Уьмуьрни за гьамишанда
Вун рикlеваз ракъурда зи.