Хъша вун

            
Умуьрдихъ галамач, галамач хьи дад,
ХъуьтIуьн мурк-къаяри эвезнава гад,
Эвел хьиз хъия на, хъия мад зун шад,
Хъша вун, чIалахъ хьухь, вил рекьелла зи.

Деринар хъийимир гьижрандин хирер,
Тек са вахъ галаз я чинеба сирер,
Гъамар винел къвезва экъисна кIирер,
Хъша вун, чIалахъ хьухь, вил рекьелла зи.

Рази я, хьуй вири азабар зибур,
Мад вучар ама хьи вилериз такур,
Амач чанда къуват, атIанва сабур,
Хъша вун, чIалахъ хьухь, вил рекьелла зи.