ХАЛА МУК1АРЛО
Сайнчул г1оли хийти хьан ийман,
Мел а тоьлла карий хьекъал хьан.
Хьан вастехь ду аса сий мел дийриг--
И даре деш... г1ора-м ийши сан.
Мук1арлонна мел дукха харж йийзи,
Хьо сайл лакхахь вита ца луш,--х1аъа!
Гушдолчунна къера хилан дийзи... Со иэшавеш, т1едели ХЬО, бакъ!!!
Къонахчалла йара эццахь эшнарг:
"Лахахь" саца хьо сайл толавеш.
Нуьйрахь виса сайна т1ехь ас деш дерг Доьрзур дац-те волчул г1оливеш?..