ЦОККУЕВ 1илмади
ЗАБАРХ КХЕТАЧАРНА
Шайхис "Самуойелаш!.."--
Баьхна доллушехь,
Цхьаъ ю б1аьргаш
Суна т1ера ца бохуш.
Сан хьурмато цуьнан
Б1аьрса кхоллушехь,
1ийр дарий шу
Эладита ца доккхуш..?
Со поэт ву моьттуш
Лиела хир ю и. .
Йе "Варий, йо1..."--
Ешар ца нисделла-те?
("Оцу хенахь" бегаш
Тайннарг виезало-кх...).
Хьолан х1оттам
Харша муха билла-те?
Нагахь цуьнан хье ас
Шаберг "д1аэцнехь",
И х1ун дина
Меттаялор йара-те?
(Цо вадорна-м деа
Кхоьруш вац-кхи со...)
Ц1ерачуьнга
Ас и муха ала-те?
"Поэталло" бахам
Ца бой хууш ду-кх...
(Пхьоланчаш бац
вайн къамелан турпалхой).
Сберкнижка а ма яц
Т1аккха д1агайта!
Курорте а
Хаьаш дац-кх тхойша г1ой!