ЦОККУЕВ 1илмади
Бартахь ца хилча дош
Дагахь дац моьтту.
Даима "багахь моз"
Х1унда дац?--хоьтту.
Тиекъаш ахь ца дийцахь
Декъал ву моьтту.
Орцанна д1ахьедахь
Декхар ву моьтту.
Ма-йарра ц1ейоккхуш
Йиш хилац дийца.
Доьналлех воккхушдерг
Дагна ду ц1ийдар.
"Хийцалуо!"--боху,
(Хат1 товччу аг1ор),--
Ду цара лоьхург
Шайна к1ел валор.
К1ордийна салкхе,
З1аьнаршла хьиеда,
Хораман чархе
Ца дааделларг.
...Сан ойла-полла
Шен дургал лоьхуш,
Лахьти чу г1олда-кх,
Х1остах ца юхуш...