ГОВЗА-М ЙАРА И ...
Ма говза стаг ю-кх шун нана,--
Хьо оццул хаза-х йине цо.
Шех даьлла 1аламат талла,
Ас йигча могуьйтур дуй цо?
Куц-кепан сел тайна бустам
Карорна хастам бу цунна,--
Доцушдан хьол б1аьрла нускал
Кхиамца кархдаьллачунна.
Хьан б1аьргийн бух-к1орга 1аннаш
Билггала кхаьчна шайн метта.
Цкъоцкъамаш--кхин дац уьш саннарш!-
Йист жиммал лаьцначу беттан.
Чубуза лахлучу малхо
Босбина анайист--беснеш.
Тешна ву: сан оьмар яхло,
Цхьа-хьайха хьо елакъежча.
Месаша букъ чехабойца
Силаман хьесашха 1аьнча.
Ларйойла уьш басах к1айчу,
Дахаро,
Хьоьгахьа даьлла!
Говза а-м йара шун нана,
Хаза а-м йинера цо хьо,
Шен к1орни, хазаллех 1аба
Дадийча, къадоьхур дуй цо?