Ви гуьрчегвал ганач къизил гуьллериз,
Рагъ,варз-вун хьиз аквазва зи вилериз,
Ахварайни ава зун ваз эвериз,
Вун акунихъ гала зи вил, Тамила!
Хуш мили хъвер ала хъуьхъвен кьилерал,
Вал ашукь яз,цуьк экъечlда къванерал,
Хъуьрезва цав гъетерин хуш вилерал,
Гуьл я зун ви буй-бухахдал, Тамила!
Муьгьуьббатдин ашкъидин цIай рикIевай,
Са руш я вун шад бахтарин гелевай.
Ваз зун акваз, рикI акунач хуравай,
Заз гьич сефил такурай вун, Тамила!
Жегьил шаир Камалдин къе чlаларал,
Алахъна ви суьрет чlугваз чарарал,
На фикирмир кlан туш заз вун гафарал,
Авайди зи рикlе вун я, Тамила!
19.06.2014
00:33