Гьикьван вахт я такуна вун вилериз,
Зун вахъ, гуьзел, сугъул хьанва, за вучда?
Элкъвейвиляй зи шадвилер йикьериз,
Яшамиш жез кагьул хьанва, за вучда?
Ялгъуз я зун вун галачиз йифериз,
Килигиз гьакI цава авай гъетериз,
Хажалатдин тIал акунвай вилериз
Шадвал такваз пашман жезва, за вучда?
Ви ван хьанвач фадлай яр, зи япариз,
Ви дерт амаз физамач зун ахвариз,
Мидаим яз зал гьужумдай гъамари,
Югъ къвезвайди аян жезва, за вучда?