Гъезел
И девирда лал я билбил, къаргъади сес хкажзава,
Гьукум гъиле авайбуру кесиб халкьар алажзава.
Лугьузвайбур, - «ватан патал лап чанни гуз гьазур я чун»,
Лагь, куьз куьне, гужлу къуьнер герек чIавуз, агажзава?
Элдин вилик вине кьаз ягь, гьахъвиликай рахазвайбур,
КIус гайила, кицIин хванни игитдай кьаз хкажзава?
Кьве чин алай инсан хьунухь, ам инсандин бедбахтвал я,
Жуванбуруз жуванбуру, гьайиф, фурар акъашзава…
Мегьамед, вун, мягькем акъваз, хайи дагълар панагь хьуй ваз,
Им дуьнья я, нефс гвайбуру, кIандай патахъ акъажзавай.