Живед кьунва ч1ехи дере,
Ч!улав хьана акваз тепе.
Мурк! кьунава к!амарин це
Пагь лезет я, зи Къурушдал
Маргъал хьана вири рекьер
Цура гьатна элдин хипер
Бажгъандаваз гъизва векьер
Кьуьд четин я зи Къурушдал
Жерге рушар физ булахдал,
Къекъвез жеда чеб дамахдал,
Вил ацукьда куь бухахдал
Рушар иер, зи Къурушдал
Гагь рагъ жеда, гагьни хьи циф
Куьруь я югъ, яргъи я йиф
Тух жедач зун, ийиз тариф
Пара хуш я, зи Къурушдал
Яру хьана лацу хъуьхъвер
Эхда куьне, къаяр ч!имер
Гум акъатиз, кузва пичер
Пагь хъсан я, зи Къурушдал